За една недела 1.042 повици на „Ало докторе“
Во изминатите седум дена, од 31 август до вчера, регистрирани се 1.042 повици на телефонската линија за медицински совет „Ало докторе“. Граѓаните на 02/15 123 најчесто бараат медицински совет за кардиоваскуларни и респираторни симптоми, главоболки, покачена телесна температура, стомачен вирус, алергиски реакции и симптомна болка.
- Често се јавуваат граѓани за совети поврзани со терапијата што редовно ја примаат за хроничните болести и за симптоми поврзани со крвен притисок, информира Министерството за здравство.
Линијата е достапна секој ден, 24 часа, со цел да се овозможи непосредна медицинска консултација во моментот на појава на симптоми на нарушување на здравјето.
Од први септември линијата е засилена со тројца нови специјалисти. Дваесет и пет доктори вкупно се достапни за медицински совет за јавувањата кои се од граѓани од сите градови на Македонија.
На сите лица кои побараа медицински совет на телефонската линија „Ало докторе“, како што се наведува, им е дадена здравствена помош со совет и соодветна симптоматска терапија.
Од 15 септември 2014 година, од кога работи телефонската линија досега има вкупно 50.676 повици.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.