Вучиќ: Србија денеска престанува да сонува, разбира дека ќе биде дел од ЕУ
Србија денеска престанува да сонува соништа, Србија денеска разбира дека ќе биде дел од ЕУ, но на нас е со својата работа, трудољубивост и енергија да го одредиме влезот во ЕУ, изјави вечерва во Брисел српскиот премиер Александар Вучиќ.
Во разговор со новинарите пред меѓувладината конференција ЕУ-Србија, премиерот им честиташе на граѓаните и истакна дека денеска е вистински голем и важен ден за Србија.
- Во периодот пред нас, земјата ќе ја уредиме по највисоки можни стандарди, демократски стандарди, со посилни институции, а ќе се избориме и против корупцијата и криминалот низ помодерен систем на правосудство, рече тој.
Пред нас не е лесен период, но отворивме преговори, добивме датум, токму благодарение на нашата работа, рече Вучиќ.
Србија денеска на меѓувладината конференција во Брисел ќе ги отвори првите две поглавја во преговорите со Европската унија, со што ќе почне нова фаза во процесот на европските интеграции.
Српската делегација на втората меѓувладина конференција, на која ќе бидат отворени Поглавјето 32, кое се однесува на финансиската контрола и Поглавјето 35, посветено на нормализација на односите меѓу Белград и Приштина, ќе ја предводи премиерот Александар Вучиќ.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање