Вучиќ: Можни се предвремени парламенатарни избори
Српскиот претседател Александар Вучиќ денеска пред новинарите изјави дека е можно одржување на вонредни парламентарни избори, доколку опозицијата толку „жестоко ги посакува".
Притоа, тој ги повика политичките противници уште еднаш да размислат дали ќе одат на избори или не.
- Ако толку силно ги сакаат, може да има избори, само потоа да не плачат или да викаат дека Свети Петар им е виновен зошто изборите ги изгубиле, истакна Вучиќ.
Српскиот претседател, кој беше во посета на Панчево, коментирајќи ги барањата на опозицијата за избори, додаде дека „нема ништо против доколку опозицијата подобро се чувствува ако секоја година доживува пораз“.
На новинарско прашање кои се причините што Томислав Николиќ не присуствувал во саботата на одбележувањето на девет годишнината од формирањето на партијата, тој кратко одговори дека за тоа треба да го прашаат лично Николиќ.
Во српските медиуми деновиве се појавија шпекулации дека поранешниот претседател Томислав Николиќ и основач на СНС размислува да формира нова партија, идеја што тој засега ја демантира.
Ново на Сител
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово
-
Лични документи можат да се подигнат и во среда