Балкан
6. November 2015 - 15:44

Вучиќ: И Република Српска како Србија мора одговорно да се однесува

Премиерот на Србија Александар Вучиќ изјави денеска дека Србија мора одговорно да се однесува кон сите, па и кон Република Српска, но и дека РС исто така треба одговорно да се однесува кон официјален Белград.

- Додека сум претседател на Владата никогаш, без оглед на тоа кој што рекол, ниту еден збор нема да кажам против некој од Република Српска. Мислам дека Србија мора одговорно да се однесува и верувам дека така РС треба да се однесува кон Србија, рече Вучиќ.

Оваа изјава доаѓа како одговор на прашањето за тоа како ги коментира извештаите на медиумите дека претседателот на Република Српска, Милорад Додик порачал дека во Босна и Херцеговина се зборува со погрешни луѓе.