Втора македонска туристичка берза
Повеќе од 150 туристички работници, претставници на туристички агенции, хотели, ресторани, винарии, музеи, туристички водичи, транспортери, студенти и владини претставници ќе учествуваат на Втората туристичка берза во Македонија што ќе се одржи на 21-ви на 22-ри месецов во Скопје.
Во фокусот на настанот, што под слоганот „Сите сме дел од истата туристичка приказна“ го организира Националната асоцијација за дојдовен туризам на Македонија (НАИТМ), се состојбите и перспективите на дојдовниот туризам. На овој начин, според претседателот на НАИТМ, Влатко Сулев, ќе се зголеми свесноста за важноста на дојдовниот туризам во Македонија како туристичка дестинација и ќе се подобри соработката меѓу сите чинители во дојдовниот туризам.
- Време е дојдовниот туризам како индустрија што остварува извоз да го добие своето заслужено место во нашето општество. Нам, како НАИТМ, ни треба малку ветер во грб за подобро да ја позиционираме Македонија на регионалниот и на европскиот пазар. Не може и не смее производителот на јаболка да биде во ист кош со увозникот на јаболка. Тоа е исто со инкаминг (дојдовниот туризам) и со оутгоинг (излезниот) туризам. Едниот значи увоз, другиот извоз, изјави за МИА Сулев.
Како што објаснува, Втората туристичка берза се организира за подобро меѓусебно запознавање на различните групи чинители во дојдовниот туризам, за разбирање на бизнис потребите, повисоко ниво на меѓусебна комуникација и полесно прилагодување на потребите на странските и домашните гости согласно последните светски трендови. Исто така, на берзата ќе се утврдат различните проблеми со кои се соочува секторот, како што се еколошките, законските, административните и останатите проблеми, културно-историските споменици, а ќе бидат понудени и решенија и искуства на членовите на НАИТМ. Воедно, настанот треба да овозможи и доближување на студентите до реалниот сектор преку директно запознавање со претставниците во секторот и да се испрати порака до младите дека тие се иднината на дојдовниот туризам.
Првата туристичка берза во Македонија, а и на Балканот, беше организирана минатата година, кога учествуваа 80-ина претставници на туристички агенции, хотели, ресторани, винарии, превозници, туристички водичи, музеи, Македонска православна црква и институции.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ