Втора детска олимпијада во Кочани

Во присутво на голем број родители и деца во спортската сала на основното училиште „Никола Карев“ во Кочани денеска се одржа втората детска олимпијада на која учествуваа деца од 5 и 6 годишна возраст од петте клона на детската градинка „Павлина Велјанова“ од Кочани.

- Годинава по втор пат ја организиравме  детската олимпијада во рамки на проектот за ран детски развој и „Спортуваме, се радуваме“. Учествуваа 160 деца од петте клона на нашата детска градинка од кои четири клона работат во  Кочани и еден во населбата Оризари, изјави Лидија Серафимова, директор на детската градинка од Кочани.

На детската олимпијада акцент беше ставен на спортувањето, рекреацијата и дружењето на децата низ поголем број на спортски вештини. Во рамките на Програмата за ран детски развој во Кочанската детска градинка е воведен час по физичко воспитување и гимнастика кој станува се поинтересен и за децата и за нивните родители. Часовите ги одржува дипломиран професор по физичка култура, спорт и рекреација.