Вознемирувачко:Николета живее со џиновски тумор на лицето, сите ја избегнуваат, а операцијата може да ја убие

Николета Лезериј (28) од раѓање живее со огромен васкуларен тумор во окото. Бенигниот тумор постојано и крвари и се зголемува од ден на ден. Поради својот изглед Николета во селото живее како самотник, а мештаните ја исмеваат.

Таа живее во мало село на североистокот од Романија. Вели дека туморот во почетокот бил колку зрно пченка, и растел заедно со неа. Кога тргнала на училиште нејзините маки се зголемиле.

--Сфатив дека децата ме одбегнуваат и дека зјапаат во мене. Тогаш сфатив дека сум поразлична од другите, раскажува Николета.

Уште како девојче станала мета на малтретирање.

-На почетокот постојано се плашев, зошто стравував некој на училиште да не ме удри. Сега кога имам свои деца, никогаш не можам да одам до град, ниту на работа, дури ни во градинка или на родителски состанок. Секогаш морав да одам следниот ден, зошто родителите се гадат од мене и се плашат, вели очајната Николета.

Со желба поскоро да и се одреди дијагноза, родителите ја донеле на скенирање во локалната болница. Таму и рекле дека израстокот ќе продолжи да расте. Лекарите со претходна интеревенција можеле да го спречат растењето на туморот, но кога таа наполнила 18 години, туморот и покрил половина од лицето.

Лекарите планираат операција на израстокот, но прво мора да го смалат, за да се спречи големо губење на крв во текот на операцијата. Таа од селото на крајниот североисток од земјата, ќе мора да патува до Темишвар за да ја прими неопходната терапија.

Приказната за Николета ќе биде емитувана на каналот ТЛЦ во рамките на емисијата “Body bizarre”.