Вооружените бунтовници киднапирале свештеник и верници

Вооружени мажи киднапираа еден свештеник и повеќе од десет верници од катедралата во Марави во јужниот дел на Филипините, изјави денеска архиепископот на филипинската римокатоличка црква, Сократес Виљегас.

Уште еден неименуван црковен претставник изјави дека вооружените мажи упаднале во катедралата и киднапирале свештеник и повеќе од десет вработени во црквата и верници.

Виљегас изјави дека вооружените мажи се заканиле дека ќе ги убијат заложниците доколку владините сили не ја стопираат акцијата против нив.

Муслиманските бунтовници од 1970 година се борат за независност и автономија во јужниот претежно католички дел на Филипини. Се проценува дека во тие борби загинале 150.000 луѓе.