Свет
21. December 2017 - 9:25

Вонредна седница на Советот за безбедност на ОН за Ерусалим

Советот за безбедност на Обединетите нации денеска ќе одржи итна вонредна седница посветена на американското признавање на Ерусалим како престолнина на Израел, на барање на некои арапски земји и држави со мнозинско муслиманско население.

- На седницата повторно ќе се гласа за нацрт-резолуцијата за повлекување на одлуката на претседателот на САД Доналд Трамп, изјави палестинскиот пратеник во ОН, Ријад Мансур.

САД во понеделникот ставија вето на резолуцијата, а денешното гласање нема да биде обврзувачко, меѓутоа, како што наведуваат медиумите, ќе има политичка тежина.

Ова е десетта вонредна итна седница на Советот за безбедност на ОН, а последната е одржана во 2009 година година во источен Ерусалим.

Амбасадорката на САД при ОН, Ники Хејли изјави дека од Трамп добила наредба да следи кои држави „ќе гласаат против САД“, предупредувајќи дека „ќе ги запише нивните имиња“.