Во завршна фаза детската градинка и регулација на Зрновска Река во Зрновци
Општина Зрновци деновиве ги реализираше проектите за изградба на детска градинка и регулација на Зрновска Река во втора фаза, кои се од интерес на жителите на општината.
Градоначалникот на Зрновци Блаже Станков, рече дека изградбата на новата детска градинка во општина Зрновци е во завршна фаза и веќе во септември ќе биде пуштена во употреба.
- Пристигна опремата за занималните во градинката која се простира на површина од 420 метри квадратни и располага со капацитет од 80 деца. Со изградбата на детската градинка на многу семејства ќе им се олесни носењето на дечињата во градинка, бидејќи од овие населени места во моментот 30 дечиња секојдневно патуваат во детските градинки во Кочани. Проектот е вреден 430.000 евра, а финансиските средства се обезбедени од ИПА програмата за рурален развој, изјави Станков.
Паралелено со овие активности финишираат и завршните работи на изградбата на потпорни ѕидови и регулација на Зрновска река во должина од 463 метри.
- Општината за оваа намена доби средства во износ од 10 милиони и 700 илјади денари од ИПА програмата, кои целосно се искористени за изградба на потпорни ѕидови и регулација на Зрновска Река во долниот дел од населбата, изјави Станков.
Посочи дека со ова очекува да се подобри животот на населението во населбата и да се спречи излевање на реката од надојдените води во текот на годината.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ