Во вториот круг ќе гласаат 1.435 болни и изнемоштени и 939 затвореници
Општинските изборни комисии (ОИК) во 35 општини утре ќе ги дистрибуираат избирачките ливчиња до 1.517-те избирачки одбори кои ќе го спроведуваат вториот круг од локалните избори 2017 година в недела.
Утре први гласаат болните и изнемоштените, затворениците и лицата во притвор. Според информациите на ДИК во овие 35 општини каде што се спроведува вториот круг на изборите за градоначалник за гласање се пријавени 1.435 болни и изнемоштени лица. Право на глас имаат и 939 затвореници кои ќе глсаат во 13 казнено поправни установи.
Имајќи предвид дека Избирачкиот список за овие локални избори е заклучен пред одржувањето на изборите, лицата што ги немало во изводите од Избирачкиот список на првиот круг на 15 октомври, и во сабота и в недела нема да може да го искористат правото на глас.
Според Упатството на ДИК, постапката и начинот на гласање е ист како и досега, но различно е тоа што сега во овие 35 општини ќе се гласа само на едно избирачко ливче.
Резултатите од гласањето ДИК сукцесивно ќе ги објавува на својата веб-страна.
Ова се шести локални избори во Македонија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари