Во Турција покренати обвиненија против 26 лица поради учество во протестите во паркот Гези
Обвинителството во Анкара изготви обвинителен акт против 26 лица под обвинение за „членство во вооружена терористичка организација“ во врска со учеството во протестите во паркот Гези во 2013 година, пишува весникот „Хуриет дејли њуз“.
Во обвинението е посочено дека многу државни службеници и цивилни лица биле ранети за време на протестите во Анкара поради насилството, предизвикано од демонстрантите, а исто така била нанесена материјална штета на продавници и автомобили.
Во текстот се вели дека во протестите имало директна вмешаност на терористички организации. Дваесет и шестте осомничени лица се обвинети за членство во девет различни терористички групации, меѓу кои Револуционерната партија и Фронт за народно ослободување.
Кон крајот на мај во Истанбул беа органзиирани протести против уривањето на паркот Гези. Протестите постепено прераснаа во антивладини демонстрации во цела Турција. Во демонстрациите, кои траеја неколку недели учествуваа околу два милиони лица. Во судирите загинаа неколку лица, а околу осум илјади беа ранети.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка