Во Тетово одбележан Меѓународниот ден на лицата со посебни потреби
Во пресрет на 3-ти Декември - Меѓународниот ден на лицата со посебни потреби, денеска во Центарот за култура „Иљо Антески Смок“ во Тетово под мотото „Ајде да запееме“ манифестација одржаа локалното Здружение за церебрална парализа во соработка со специјалните паралелки од основните училишта „Лирија“ од Тетово и „Симче Настески“ од Вратница, заедно со децата од Дневниот центар во градот.
- Ова е наша традиционална манифестација што секоја година ја организираме за да го одбележиме Светскиот ден на лицата со посебни потреби. Во досегашните изданија децата цртаа, изработуваа разни украси, имавме и изложба на нивни фотографии, а годинава се решивме да организираме нивно пеење на микрофон. Целта ни е да се собереме, да се забавуваме и да се дружиме но на овој начин и да испратиме една порака дека овие лица и деца постојат и оти и државните и локалните институции треба да преземат уште повеќе мерки и активности за да им се олесни животот на лицата со посебни потреби, изјави претседателот на Здружението за церебрална парализа од Тетово Зоран Андонов.
Според Андонов, децата и лицата со посебни потреби покажале голема заинтересираност да пеат уште со самата најава за тоа, а денешната атмосфера полна со радост е знак дека организаторите не згрешиле и придонеле оваа категорија граѓани да покажат дека сакаат и умеат да се забавуваат.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово