Во Тетово годинава фатени 1.784 возачи без дозвола
Во изминатите 11 месеци полицијата фатила 1.784 лицa кои возеле без дозвола, а биле откриени и 1.435 возила со истечена регистрација до и над 30 дена, информира денеска портпаролот на СВР Тетово Марјан Јосифовски.
- Најголемиот број од откриените „диви“ возачи управувале патнички возила, но и комбиња, камиони и минибуси. Претежно станува збор за поединци на возраст од 16, 17 до 35 години меѓу кои неретко се среќаваат и т.н. повторници. Она што посебно загрижува е дека меѓу учесниците во сообраќајни несреќи со посериозни последици извесен број биле лица без положен возачки, рече Јосифовски.
Според тетовската полиција, за возењето без дозвола глобата изнесува 300 евра во денарска противвредност и плус 400 евра за лицето кое е сопственик на возилото и го дало на управување. За истечена регистрација, пак, казните се 100 до 500 евра во зависност од тоа дали истекувањето е до 30 или над 30 дена.
Ново на Сител
-
МВР: Регистрирани нови инциденти при гласање ширум државата
-
Оваа година поголем одзив до 15 часот во споредба со 2019
-
Излезеноста во Куманово до 15 часот 33 проценти, во Липково 25, во Старо Нагоричане 35
-
Излезеноста на изборите до 15 часот во Дебар 22, во Центар Жупа 13,11 отсто
-
Во Новаци гласале повеќе од половина жители, најмала излезност во Центар Жупа
-
Излезноста до 15 часот е 35,89 отсто
-
24-годишна девојка нападната од нејзиниот невенчан сопруг
-
Силувана малолетничка во Шуто Оризари