Во Скопје вчера 11 сообраќајки, двајца потешко повредени
Две лица се потешко повредени во две од вкупно 11 сообраќајни незгоди што се случиле вчера во Скопје. Во три сообраќајки полесно се повредени пет лица, а во шест регистрирана е само материјална штета.
Во текот на вчерашниот ден од сообраќајната полиција откриени и санкционирани се и поголем број прекршоци меѓу кои 19 возачи се движеле со брзина поголема од дозволената, двајца возачи го управувале возилото под дејство на алкохол и се исклучени од сообраќај, пет возачи не ги почитувале светлосно сигналните уреди, 13 возачи го управувале возилото без возачка дозвола, односно нерегистрирано, а 32 возачи не го користеле сигурносниот појас или го користеле мобилниот телефон. Биле регистрирани 49 непрописно паркирани возила.
Со помош на специјалното возило „пајак“, отстранети се 52 возила.
Во рамки на сообраќајно-воспитниот проект „Сообраќајна култура на децата во предучилишните установи“, Одделението за превенција денеска ќе реализира едукативни работилници со децата од средна и голема група во градинка „Срничка“, објект „Изворче“, која се наоѓа на подрачјето на општина Аеродром.
Ново на Сител
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница