Во САД во следната деценија без здравствено осигурување ќе останат најверојатно 22 милиона Американци

Околу 22 милиона Американци можно е да останат без здравствено осигурување во следната деценија според закон на Сенатот што треба да го замени Обамакер, се вели во извештај на конгресен Одбор за буџет.

Тој нацрт најверојатно нема да го поддржат демократите кои сметаат дека не е фер, јавуваат американски медиуми.

Републиканците се обидуваат да обезбедат доволен број гласови за да помине тој нацрт закон во Сенатот.

Пред два дена Трамп нагласи дека Обамакер „е мртов“ и додаде дека Американците заслужуваат подобро.