Во пожар во Делчево целосно изгоре објект за чување стока
Во пожар кој беснееше синоќа во населбата Први реон во Делчево до темел изгоре помошен објект за чување стока. Од СВР Штип информираат дека пожарот е пријавен во 20 часот, а бил зафатен објект за чување стока на месноста Плоскави скали во Делчево.
- Увидот на надлежните се уште трае, така што подоцна ќе се знае за причините кои го предизвикале, а засега е пријавена само материјална штета, рече Гордана Панајотова, ПР на СВР Штип.
Според информацијата од Јонче Атанасовски, командир на ТППЕ Делчево, пожарот бил целосно изгаснат во 23 часот.
- Се работеше за објект со многу горливи материјали. Ние во гаснењето на пожарот учествувавме со шест пожарникари и три специјални противпожарни возила. Не дозволивме пожарот да се прошири, а успеавме да ги спасиме животните кои се чуваа во објектот, истакна Атанасовски.
Тој додаде дека ТППЕ во Делчево оваа година имала 40 интервенции од кои околу 70 проценти се интервенции на отворен простор, при пожари на стрништа, меѓи и шума, додека во помал број се интервенциите на запалени оџаци, помошни простории и куќи.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово