Во Пехчево одбележан Светскиот ден на книгата и авторското право
Со подароци од книга и цвет на читателите, пехчевската библиотека „Кочо Рацин“ го одбележа Светскиот ден на книгата и авторското право - 23 Април.
Во рамките на одбележувањето беа доделени награди и на соработниците и на учениците кои учествуваа на конкурси во пишување поезија и млади библиотекари.
Библиотекарката Габриела Костадиновска истакна дека пехчевската јавна библиотека има околу 300 читатели и додаде оти изборот да се одберат најверните чиататели бил тежок.
- Оваа година доделивме цвеќе и книга на најверните читатели и тоа ги поделивме во две категории, читатели рекордери и најчитатели рекордери за 2016, при што доделивме 31 награда. Наградени беа и ученици кои учествуваа на општинскиот натпревар за млади библиотекари. Доделени беа благодарници на ученици кои учествуваа на креативната работилница за пишување поезија, награди, книга и цвет добија и соработници на библиотеката, рече Костадиновска.
Таа истакна дека овој настан го организираат со цел да го свртат вниманието на книгата, авторите и да укажат колку се тие значајни во градењето на една личност.
На одбележувањето на Светскиот ден на книгата и авторското право - 23 Април беше прочитана и пораката од генералниот директор на УНЕСКО, Ирина Бокова и пораката од филозофот и поет Иван Џепаровски.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација