Во Пехчево ќе се засадат 13 илјади садници за „Денот на дрвото“
Во општина Пехчево ќе се засадат 13.000 садници во есенската акција „Ден на дрвото – засади ја својата иднина“, најавена за 2 декември.
Според планот, подготвени се површини за засадување на Буковик, каде ќе се засадат борови садници, додека во градот Пехчево и на локација до градскиот стадион ќе се засадува украсна смрча.
Градоначалникот на Општина Пехчево, Игор Поповски ги повикува сите граѓани на општината да се вклучат во есенската акција „Ден на дрвото-засади ја својата иднина“.
- Очекувам и оваа есенска акција да биде масовно поддржана од жителите на Пехчево. За таа цел и оваа година имаме обезбедено превоз со теренски возила, а Пехчево, како дел од Малешевијата, која е една од најбогатите планини со шума, мора да придонесе за збогатување на шумскиот фонд и со засадување на што повеќе садници да се придонесе кон унапредување на животната средина, истакна Поповски.
Во акцијата ќе бидат вклучени и учениците од ООУ „Ванчо Китанов“ од прво до шесто одделение кои ќе бидат ангажирани во активности за еколошко уредување и засадување шумски садници во училишниот двор, додека учениците од седмо до деветто одделение, како и учениците од дисперзираните паралелки во Пехчево при ОСУ„Ацо Русковски“-Берово ќе бидат вклучени со засадување шумски садници на најблиската локација до училиштето. Акцијата во Пехчево ќе започне во 9:00 часот.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април