Во Крива Паланка промовирана брошура „Чекор по чекор до органско производство“
Граѓанскиот центар за одржлив развој (ЕГРИ) од Крива Паланка денеска презентираше брошура насловена „Чекор по чекор до органско производство“ изработена во рамки на проектот „Произведувај органски-пакувај еколошки“.
„ЕГРИ“ е носител на проектот за развој на органско производство на подрачјето на Североисточниот плански регион и Ќустендилската област. Се спроведува во соработка со здружението „НИЕ – Независни, иновативни, единствени“ од Ќустендил со финансии од ИНТЕРЕГ ИПА Програмата на Европската унија за прекугранична соработка помеѓу Република Македонија и Република Бугарија.
- Покрај брошурата која ги содржи сите етапи на органско производство до пакување, изработивме и т.н буквар „А, Б, В“ за органско производство, кој ги опфаќа сите основни чекори за премин од традиционално во органско производство на храна и сертифицирање, согласно сите ЕУ-регулативи и прописи. Букварот ќе биде тријазичен, изготвувањето е во финална фаза, а се работи на преводот- информира Андриана Ивановска-Давитковска, проект-менаџер.
Направени се и посети и презентации во Бугарија, во Ќустендил, Сепарева Бања и Невестино, како и во Македонија, во Ранковце, Крива Паланка и Куманово.
- На овие настани преку промотивен материјал и информативни сесии локалното население беше запознаено со проектот, со цел да се пријават потенцијални кандидати за обуки кои ќе се одржат во претстојните месеци. Една обука ќе опфати тема-од идеја до реализација, со обуки за ЕУ фондови, постоечки национални фондови и проекти за бизнис планови, а другата „од нула до органско производство и сертификација“. Партнер-здружението „НИЕ“ ќе направи педолошко истражување во двата региона, додаде Ивановска-Давитковска.
Во наредниот период, како што најави, ќе посетатат земјоделци од двете подрачја на постоечки фарми и капацитети за огранско одгледување стока и живина, како и за органско производство на храна.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово