Македонија
17. September 2017 - 13:12

Во Кочани тројца кандидати за градоначалник

Општинските изборни комисии на Кочани, Виница, Зрновци и Чешиново-Облешево ги потврдија листите за претстојните локални избори закажани за 15 октомври. 

Во Кочани граѓаните ќе можат да се изјаснат помеѓу тројца кандидати за градоначалник и четири советнички листи. Во трката за градоначалничката функција СДСМ ќе оди со бизнисменот Николчо Илиев. ВМРО ДПМНЕ по трет пат ќе ја бара довербата од граѓаните за кандидатот Ратко Димитровски, а кандидат за градоначалник во Кочани е и Методи Јованов од СДПМ. Кочанци ќе можат да гласаат и за едно од четирите советнички листи - три од политички партии и коалиции и една независна листа.

Во Виница кандидат за градоначалник на ВМРО-ДПМНЕ е Мартин Павлов, а на СДСМ Ивица Димитров. Во оваа општина ќе има две листи за советници од коалициите предводени од овие две партии.

За Зрновци ВМРО – ДПМНЕ го кандидираше Блаже Станков, а СДСМ - Ванчо Митев. Во оваа општина има и независен кандидат за градоначалник Мите Николов. Ќе се гласа за три советнички листи, две на политички партии и коалиции и една независна листа.

Во Чешиново-Облешево за градоначалник се кандидирани Горан Зашов од ВМРО-ДПМНЕ и Горан Крстев од СДСМ. ОИК потврди и две советнички листи.