Во Кочани ќе се прска против комарци
Општина Кочани за утре изутрина ја најави првата акција за прскање против комарци со која ќе бидат опфатени 400 хектари.
Запрашувањето ќе се врши од земја во градот Кочани и во населените места од низинските села Тркање, Горни и Долни Подлог, Мојанци, Грдовци, Прибачево и Оризари.
Општината апелира пчеларите да ги заштитат пчелните семејства од третирањето против комарци.
Наредните два месеца ќе се спроведат уште четири акции за уништување на комарците од земја и воздух. За авио-третирањето Општината склучи договор со компанијата „Бони ер“ од Куманово, додека за прскањето од земја со Центарот за јавно здравје од Скопје.
За набавка на неопходниот инсектицид и ларвицид одобрен од Бирото за лекови, како и за услугата за прскање против комарците оваа година Општината од сопствениот буџет издвои 1,542 милиона денари или околу 200.000 денари повеќе од лани.
Со терестријалниот третман ќе се опфати површина од околу 1.200 хектари во централното градско подрачје, приградските населби и дел од населените места во општината, додека со авионското прскање се планира да биде опфатена површина од 3.400 хекатари во градот и населените места.
Ново на Сител
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи