Македонија
29. July 2016 - 15:26

Во Кавадарци во наредните четири дена запрашување против комарци

Од утре и во наредните три дена ќе се изврши запрашување против комарци во Кавадарци.

Како што информираат денеска од Службата за односи со јавноста при кавадаречката општина, запрашувањето е во согласност со годишната програма за дезинсекција.

- Запрашувањето што ќе се изврши од земја во раните утрински часови и тоа на целата територија на општината, ќе го спроведе Центарот за јавно здравје Велес, соопштуваат од Службата за информирање при локалната самоуправа.

Притоа тие ги повикаа сопствениците на пчели, да преземат мерки на заштита на пчелните семејства, за да не дојде до несакани последици.

Доколку во деновите предвидени за запрашување против комарци има врнежи од дожд, тогаш заштитата ќе се спроведе во првиот сончев ден после врнежите.