Македонија
15. October 2017 - 9:41

Во Гостивар, Врапчиште и Маврово-Ростуше гласањето почна навреме

Во гостиварскиот регион гласањето почна навреме и без потешкотии. Избирачките места се отворени во предвиденото време и избирачките одобри почнаа со работа, информираа трите општински изборни комисии.

Во избирачкиот список за општина Гостивар има вкупно 79.569 лица кои ќе гласаат на 121 избирачко место.

Во општина Врапчиште денеска се гласа на 39 избирачки места каде правото на глас можат да го остварат 25.377 лица.

Во најмалата по бројност општина во гостиварскиот регион, Маврово-Ростуше во избирачкиот список се запишани 9.847 лица кои ќе гласаат на 39 избирачки места.