Свет
27. July 2015 - 16:47

Во Франција запленети околу шест тони хашиш

Француската полиција во Марсеј заплени речиси шест тони хашиш и приведе тројца мажи осомничени за трговија со дрога, соопшти денеска Министерството за внатрешни работи на Франција.

По неколкумесечна истрага, полицијата открила 5,6 тони смола од канабис во една вила во јужниот дел на Марсеј, како и уште 150 килограми во автомобил. Тоа е една од најголемите заплени на дрога во Франција во последните неколку години.

- Полицијата во неделата следела тројца мажи, за кои се сомневала дека се вмешани во голема мрежа на трговија со дрога во Марсеј и блискиот град Витрол, се посочува во соопштението од кабинетопт на министерот за внатрешни работи Бернар Казнев.