Во Франција прогласена вонредна состојба на целата територија
Министерскиот совет, свикан од претседателот на француската република Франсоа Оланд, се состана точно на полноќ, додека во салата Батаклан се одвиваше акцијата на полициските сили за справување со терористите. На состанокот се усвоени серија на ургентни мерки, јави дописникот на МИА од Париз.
Како што стои во соопштението на Елисејската палата, согласно извештајот на премиерот, министрите за внатрешни работи и правда, „донесен е декрет за прогласување на вонредна состојба“. Вонредната состојба стапува во сила веднаш на целата територија на европскиот дел на Франција и на Корзика. Оваа мерка дозволува да се забрани движењето на лица и воспотавување на заштитни безбедносни зони.
Вториот декрет се однесува на воведување на засилени безбедносни мерки во сите општини на парискиот регион.
„Овие мерки дозволуваат да им се изрече мерка домашен престој на сите лица чија активност е опасна, како привремено затворање на сали за спектакли и места за состаноци, откривање на оружје и спроведување на административни претреси“ – се вели во официјалното соопштение.
Од друга страна, претседателот на Франција, одлучи итно воведување на граничните контроли, за што се мобилизирани царинските служби.
Училиштата, гимназиите, школските установи и универзитете ќе бидат затворени во текот на денешниот ден, а се откажуваат и школските екскурзии.
Француската влада ги мобилизира и болниците. Истовремено е активирана и ќелијата за помош на жртвите од министерството за надворешни работи, правда и здравство, во врска со префектурата на полицијата.
Изутринава во Елисејската палата во 9 часот е свикан Советот за одбрана, а досега се мобилизирани 1.500 припадници на армијата.
Според соопштението на Елисејската палата, претседателот на Франција ќе остане во Pариз и нема да учествува на самитот Г20. Тој ќе биде претставуван од министерот за надворешни работи и меѓународен развој и од министерот за финансии, појаснува Елисејската палата.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово