Во Делчево состанок со кандидатите за градоначалник
На иницијатива од Општинската изборна комисија (ОИК) во Делчево, денеска во Полициската станица се одржа состанок со кандидатите за градоначалник и носителите на листи за членови на Советот на Општината.
Целта на состанокот, како што рече претседателот на ОИК Владимир Петревски, е одржување на фер, демократски избори и изборен циклус согласно законските решенија.
Присуствуваа првите луѓе на делчевската полиција, Основното јавно обвинителство, општинскиот инспекторат и ОИК.
- Целта на овој состанок е да се запознаат учесниците со изборниот процес и со законските прописи кои ги регулираат изборите, но и со значењето за Македонија за одржување демократски изборен циклус. Беа потенцирани одредбите од Изборниот законик, од Кривичниот законик кој ја регулира оваа материја, од Законот за јавна чистота и одредбите за нарушување на јавниот ред и мир. Задоволен сум што состанокот помина во конструктивна и пријатна атмосфера, истакна Петровски.
Кандидатите за градоначалник од СДСМ и од ВМРО ДПМНЕ ветија фер и демократски избори, како и изборен циклус без инциденти во Делчево.
Кандидатите за градоначалник на Делчево в недела ќе го потпишат Кодексот за фер и демократски избори согласно Изборниот законик.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април