Внимавајте на „чет емотиконите“, оти може да имате проблеми со законот
Сите сме навикнати да ги користиме т.н. „чет емотикони“, оние мали сликички или анимации кои ги ставаме во коментарите во приватните, но и јавни онлајн разговори. Сепак, и со нив мора да бидеме внимателни, оти може да имате проблеми со законот.
Суд во Израел, на пример, на една двојка им изрече казна од 2.100 евра поради такви емотикони. Причината за тоа е проста: сликичките во четот „придаваат голем оптимизам", пишува порталот „Некст Веб“.
Луѓето си пишувале со човек по Јанив Дахан, којшто изнајмувал недвижнина преку интернет, па поради емотиконите, добил впечаток дека двојката има намера да го изнајми имотот. А, и самата порака укажувала на тоа.
Дахан ја симнал објавата од интернет и почнал преговори. По цела седмица разговори, двојката престанала да му враќа откако му ветиле дека ќе му пратат барања за преуредувања во станот, но тоа сепак не се случило. Оштетениот нашол други, порешителни клиенти, но сепак ги тужел претходните.
„Употребените сликички во преписката вклучуваат смешко, шише Шампањско, танцувачки фигури и друго. Тие иконки придаваат голем оптимизам. И покрај тоа што преписката нема обврзувачка моќ на договор помеѓу двете страни, го натерала тужителот да положи голема верба во желбата на обвинетите да го изнајмат неговиот стан", се вели во пресудата.
„Тие симболи на втората страна и укажуваат дека се е во ред, што е наведувачко, зашто во тој момент обвинетите веќе имале колебања во својата намера да го изнајмат станот", се додава во документот.
Затоа е добро да внимаваме што имаме на ум, кога испраќаме емотикони.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација