ВМРО-ДПМНЕ: Владата да преземе конкретни мерки наместо да спроведува антиреформи
Владата да донесе итна одлука за 100-процентно обесштетување на овоштарите, за најмалку 50 отсто да ги зголеми субвенциите за одржување на овошните насади и да се вклучи во пронаоѓање нови пазари за извоз на праски, како и во заштита на македонските земјоделски производи, апелира ВМРО-ДПМНЕ.
Партијата преку соопштение и порачува на СДСМ да преземе конкретни мерки, наместо, како што наведува, да држи празни прес-конференции и да спроведува антиреформи.
- Владата на СДС не смее да ги игнорира секојдневните проблеми на земјоделците. Тие се соочуваат со сериозен проблем со откупот на праски и ситуацијата е алармантна. Наместо да држи празни прес-конференции, СДС нека излезе со сет реални мерки за да им помогне на земјоделците. На земјоделците им е потребна континуирана грижа, а не залажување со неефективни мерки, стои во соопштението.
ВМРО-ДПМНЕ потсетува дека граѓаните ги очекуваат и другите предизборни ветувања на СДСМ.
- Граѓаните очекуваат минимална плата од 16.000 денари и просечна плата од 30.000 денари, а докторите очекуваат плата од 100.000 денари. СДС треба да им каже на граѓаните до каде се новите 500 километри автопат кои им ги вети, во исчекување се и да им исплати по 30.000 денари со поврат на 15 отсто од потрошеното ДДВ, што беше едно од носечките ветувања во програмата на СДС, подвлекува ВМРО-ДПМНЕ.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари