ВМРО-ДПМНЕ: Таргетот на СЈО е само една политичка партија
ВМРО-ДПМНЕ денеска на прес-конференција праша од каде неколку правни експерти знаат дали обвиненијата на Специјалното јавно обвинителство (СЈО) се издржани или не и дали треба да се одредуваат притвори.
- Во недостиг на докази во обвиненијата, очекувано е на копче да се активираат луѓе како Маргарита Цаца Николовска, Ѕвонко Давидовиќ или Јован Трпеновски. Мора некој да излезе со паушални изјави за да креира атмосфера во која судот би требало да ги прифати барањата или обвиненијата на СЈО кои се срам за секој правник, рече Бојан Стојановски од ВМРО-ДПМНЕ.
Според овие експерти, како што кажа Стојановски, обвиненијата биле издржани.
- Некој ако ги праша и Николовска, Давидовиќ и Трпеновски дали ги виделе и проучиле предметите, одговорот е не. Од едноставна причина, истрагата што се водеше е тајна. Од каде тогаш овие експерти знаат дали обвиненијата се издржани или не? Дали треба да се прифатат или не? Дали треба да се одредуваат притвори или не? Не знаат, но исто како и Катица Јанева, мора да глумат дека ги знаат предметите за да може медиумите под контрола на СДС да вршат притисок врз судот, смета Стојановски.
Тврди дека, како што кажа, не би имало потреба за вакви акробации доколку СЈО постапуваше правно, врз основа на докази, а не политички.
- Таргетот на СЈО е само една политичка партија, таргетот се стотина луѓе од ВМРО-ДПМНЕ. Гревот на ВМРО-ДПМНЕ не е криминал, туку затоа што остана со народот, единствен бедем за одбрана на државата, повтори Стојановски.
СЈО, додаде, во изминатиов период со сите дејствија само потврди дека е политичко обвинителство, под контрола на СДС.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено