ВМРО-ДПМНЕ: СЈО и со новиот оглас планира да вдомува партиски војници
СЈО не работи ниту професионално, ниту неселективно, туку претпочита партиска работа, политички активизам и роднински непотизам, порачува ВМРО-ДПМНЕ.
- Расипништвото и користењето на народните пари за лични и непотистички потреби на СДС се повеќе се видливи и во СЈО, и тоа не е никакво изненадување бидејќи тие во суштина се едно исто тело. Сега СЈО бесрамно отвора нов оглас за вработување на нови 30 лица. Ова значи дека СЈО и со новиот оглас планира да продолжи со практиката да вдомува партиски војници на СДС и да ги плаќа со народни пари нивните астрономски плати и хонорари, рече Бојан Стојаноски од ВМРО-ДПМНЕ во денешната изјава пред СЈО.
Тој нагласи дека СЈО може да ангажира уште 300 лица, но тоа, како што кажа, нема да им помогне во нивните конструирани случаи насочени против ВМРО-ДПМНЕ, бидејќи ние ниту вина имаме ниту криминал сме направиле.
- Единствено е вистина дека СЈО со парите на народот ќе продолжи да си задоволува партиски или непотистички страсти и потреби. Во изминатите години потрошија над 4 милиони евра, за своите политички инспирирани активности. Сите акции што СЈО ги превземаше и ги превзема се со цел за оцрнување на раководството на ВМРО-ДПМНЕ, и истовремено задоволување на мегаломанските потреби на членството на СДС или подржувачите на оваа партија, потенцира Стојаноски.
Посочи дека се реални основите на сомнение дека со овој нов оглас Катица Јанева ќе вдоми уште некој свој внук или роднина или пак ќе вработи уште членови на СДС, нивни деца, внуци, роднини, на сметка на народот. Потсети дека досега во СЈО е вработени Берниса Рахиќ, ќерката на Есад Рахиќ поранешен функционер на СДСМ, Катерина Рамбабова, ќерка на кандидат за пратеник од редовите на СДСМ, Миле Трајковски, советник од редовите на СДСМ во Советот на општина Крива Паланка, Борче Трајковски познат во јавноста како Боки Бургија познат поддржувач на политиките на СДСМ, Ѓорѓи Камчев кој според објавените информации, активно учествувал во протестите во организација на Шарената револуција и уште десетина други активисти на СДСМ или нивни деца.
- Најсрамно од се беше ангажирањето на внукот на Катица Јанева, Ѓорге Делиџаков, потенцира Стојаноски.
Ново на Сител
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци