ВМРО-ДПМНЕ се занимава со отчетност и проекти, Заев и Јанева со деструкции, негирање и рушење на уставниот поредок

Лидерот на СДСМ и Специјалната јавна обвинителка не го признаваат македонското Собрание.

Заев и Јанева го негираат највисокиот орган и извор на државноста терајќи свои деструктивни сценарија.

Негирањето на Собранието претставува и негирање на македонскиот народ.

Заев и Јанева не веруваат во институциите, но народот им покажа дека тој не верува во нив.

Последната анкета на „Павел Шатев“ јасно покажа дека граѓаните добро ја процениле ваквата состојба и го оценија однесувањето на Заев и Јанева. Ниту политичарот ниту обвинителката немаат доверба од страна на македонската јавност.

Еве ги резултатите од анкетата:

Граѓаните не и веруваат на Јанева

Дури 64,3 проценти од испитаниците немаат доверба во работата на Катица Јанева и специјалното јавно обвинителство, а 67,8 проценти сметаат дека обвиненијата за одредени функционери на власта не се издржани. Високи 88 проценти од испитаниците велат и дека истите тие обвиненија на специјалното јавно обвинителство за одредени функционери на власта, нема да влијаат на одлуката за кого ќе гласаат на изборите.

Дали имате доверба во работата на Катица Јанева и специјалното јавно обвинителство ?

Немам доверба 64,3 %

Да, имам доверба 23,4 %

Нема одговор 12,3 %

Вкупно 100 %

Граѓаните избраа дела и проекти, а не деструкција

Додека Заев и Јанева се однесуваат вака, ВМРО-ДПМНЕ пред граѓаните го презентираа најобемниот отчет за сработеното. Отчетот содржи над 3500 реализирани проекти.

Повеќе часови министри и директори од владејачката партија говореа за низа проекти од кои добробит имале огромен број на граѓани.

Поради ваквата состојба е сосема јасно зошто СДСМ не сакаат да има избори во Македонија. Изборите ќе бидат завршеток на кризата која тие ја наметнаа, а свесни се дека на истите ќе се соочат со пораз.