ВМРО-ДПМНЕ: Николовски да побара итна владина седница за обесштетување на овоштарите
ВМРО-ДПМНЕ бара министерот за земјоделство Љупчо Николовски да побара итна и вонредна владина седница со точка на дневен ред, 100 процентно обесштетување на овоштарите чиј род настрада од временските непогоди и дополнителна поддршка за да може да ја преживеат годината.
- Николовски со денови се крие и ги одбегнува овоштарите кои се соочуваат со реални проблеми и го нема да се појави во Росоман каде што состојбата со производството на праски е алармантна, исто како и со речиси целокупното овоштарство во Македонија. Го повикуваме да ги посети и земјоделците во Росоман, а не само земјоделците во Арачиново, бидејќи штетите се огромни и последиците кои следат од ненавремената помош може да бидат катастрофални по целокупното нивно производство, рече Ромео Тренов на денешната партиска прес-конференција.
Тој посочи дека СДСМ и понатаму се однесува како опозиција.
- СДС во текот на кампањата им ветуваше на земјоделците дека ќе им биде поддршка, а гледаме дека по влегувањето во своите кабинети, веднаш ги заборавија. Земјоделците се соочуваат со огромни штети заради временските неприлики, а засега нема никакви најави за нивно целосно обесштетување. За земјоделските производители, ова се единствени приходи за нивните деца и целокупните нивни семејства и ваква негрижа и несериозност од страна на Владата ќе значи носење на работ на егзистенција, потенцира Тренов.
Порача дека ВМРО-ДПМНЕ секогаш кога земјоделците се соочувале со слични непогоди излегувала во пресрет и штетите ги покривала 100 проценти, а Владата на СДСМ, како што рече, покажа колку не го цени земјоделството и трудот на земјоделците и дека е глува на апелите за помош кои доаѓаа директно од земјоделците и нивните здруженија.
Ново на Сител
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците