ВМРО-ДПМНЕ ја обвини Владата за еколошка катастрофа
ВМРО-ДПМНЕ ја обвини Владата предводена од СДСМ за неспособност и неодговорност оти дозволила да се прошират пожарите и не реагирала соодветно на проблемот со депонијата во Струга.
- Неспособната влада дозволи и најмал пожар да се прошири во сериозни размери. Тоа се случи со пожарот во Зрновци, во Ѓорче Петров, како и со пожарот во Македонски Брод кој веќе неколку дена се шири, а владата на СДС не се потруди да го запре и угаси бидејќи за нив се побитни луксузните вечери со Каракачанов отколку здравјето на граѓаните. Додека граѓаните деноноќно се гушат во чадот од депониите во Струга, Арачиново и Тетово, функционерите на СДС си организираат средби со амбасадори по луксузни хотели, стои во соопштението.
Според партијата, за овие неполни два месеца поради својата негрижа и неажурност 26 министри во Владата на Заев со него на чело дозволиле во секое место од државата да се случува еколошка катастрофа, а граѓаните да бидат оставени сами да се справуваат со овие еколошки проблеми.
- ВМРО-ДПМНЕ како одговорна партија која служи на граѓаните ги повикува сите невладини организации на Соросовата фондација кои се фалат дека се грижат за здравјето на луѓето и животната средина да се огласат и да ја осудат неработата на владата на СДС. Време е СДС да почне да работи во корист на граѓаните, се наведува во соопштението на ВМРО-ДПМНЕ според која СДСМ за тоа ќе понесе одговорност на локалните избори.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри