Велика Британија испраќа уште 250 војници во Ирак
Владата во Лондон одлучи да испрати уште 250 британски војници во Ирак, со што речиси двојно го зголеми бројот на својот сегашен контигент во оваа блискоисточна земја.
Најголемиот број од новите војници ќе бидат во воздухопловната база „Ал Асад“ во провинцијата Анбар, во Западен Ирак околу 160 километри западно од главниот град Багдад.
Во новиот контигент има 50 специјализирани воени инструктори, 90 војници за обезбедување на базата,, како и 30 кои ќе се вклучат во работата на воениот штаб.
Други 80 војнци се инжинери, кои во наредните шест месеци ќе бидат ангажирани за изградба и уредување на инфраструктурата.
Во Ирак веќе се наоѓаат 300 британски војници, ангажирани за обука на ирачките сили и на курдските борци.
Во Лондон е соопштено дека Британците во Ирак нема да учествуваат во никакви борбени операции.
Министерот за одбрана Мајкл Фалон соопшти дека дополнителните трупи се британски придонес во борбата против милитантната група Исламнска држава (ИД).
Во соопштението се вели дека авионите на британското воено воздухопловство досега имаат извршено преку 900 воздушни напади врз цели и позиции на џихадистите на ИД во Ирак и во Сирија.
Околу 120 илјади припадници на британската армија и цивилни експерти, беа ангажирани по воената интервенција на САД и Брианија во април 2003 година, со која беше соборен режимот на Садам Хусеин.
Борбените операции на Британците завршија во април 2009 година. Вкупно 179 британски војници загинаа во Ирак.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април