Утврдена програмата за планинарскиот марш „Димитар Илиевски-Мурато“
Планинарскиот спортски клуб „Пелистер“-Битола ја утврди програмата за традиционалниот планинарски марш „Димитар Илиевски-Мурато“ кој секоја година се одржува по повод 10 мај, денот кога во 1989 година Илиевски-Мурато го освои највискиот планински врв на светот Монт Еврест.
Маршот на планинарите од државата и странство ќе се одржи на 12 и 13 мај, ќе се одвива по две маршрути со водичи и спасувачи, а секој учесник ќе добие амблем со ликот на Димитар Илиевски-Мурато и спомен печат од маршот.
-Првата група на планинари ќе пристигне во петок напладне и од Нижо Поле преку месноста „Дебел Рид“ ќе пристигне во планинарскиот дом на Големо Езеро. Во сабота ќе се одвиваат сите програмски настани планирани за маршот и притоа едната група ќе се движи по патеката од Инфо-центар преку „Палиснопје“, „Ловечка куќа“, врвот Пелистер се до „Димев врв“, додека пак втората група планинари ќе се движи од Големо Езеро преку „Партизански врв“, „Широк стапало“ до врвот Пелистер и конечно до „Димев врв“ каде двете групи се здружуваат, а потоа ќе биде приредн час посветен на делото на Димитар Илиевски-Мурато, информираат од ПСК „Пелистер“-Битола.
Според востановената традиција, планинарите ќе положат цвеќе пред бистата на Мурато кај планинарскиот дом „Копанки“, каде воедно ќе бидат доделени дипломи и благодарници за учесниците и поддржувачите на 28 по ред планинарски марш.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп