Уставен суд поведе постапка за дел од законот за ПИО
Уставниот суд на денешната седница поведе постапка за дел од членот 136 од Законот за пензиското и инвалидското осигурување, што предвидува за обнова на постапка, откога ќе биде донесено решението на пензискиот осигуреник, да може без рок во иднина да се поведува обнова на постапка за промена на решението за пензискиот осигуреник.
Ставот на Судот е дека во правниот систем не може нешто да биде без рокови, затоа што сите постапки и во граѓанското, кривичното и управното право секогаш се со рокови.
На седницата беше поведена постапка и по иницијативата поднесена од Здружението за заштита на животните „Анима Мунди“ за член од Одлука за комунален ред на Општина Битола, според кој меѓу другото е предвидено во едно семејно домаќинство да може да се чуваат до две кучиња. Од Судот велат дека никаде во закон не пишува дека во едно семејство може да се чуваат само две кучиња, па според тоа Одлуката излегува од рамки.
Судот поведе постапка и за Одлуката донесена од Советот на Општина Центар – Скопје за поништување на Одлуката за донесување на изменување и дополнување на Деталниот урбанистички план за „Централно градско подрачје на Град Скопје – Мал ринг“ – Општина Центар донесена од Советот на Општина Центар – Скопје од март годинава.
Постапката е поведена, бидејќи Советот на Општина Центар не може да поништува урбанистички планови донесени во легална постапка.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање