Уште едно дете извлечено живо од урнатините, по земјотресот на италијанскиот остров Искија
Спасувачките екипи успеаја да извлечат живо, од урнатините, уште едно дете кое од синоќа беше затрупано под остатоците од семејната куќа на италијанскиот остров Искија, погоден од силен земјотрес.
Малечкото дете е едно од тројцата браќа кои успеаја да го преживеат потресот и во различни временски интервали да бидат извлечени од под урнатините, повредени, но живи и надвор од животна опасност.
Акцијата за спасување на малечките Чиро, Матијас и Пасквале, предизвика голем медиумски интерес во италијанска и европската јавност.
Во земјотресот засега е потврдена смртта на две лица и двете жени кои биле погодени од делови од куќите што паѓале врз улицитедодека бегале во засолниште.
Од потресот повредени се околу 40 други лица.
Потресот беше почувствуван синоќа во 20,57 часот, по средноевропско време, со јачина од 4 степени според Рихтеровата скала, а епицентарот бил на длабочина од пет километри.
Островот Искија, каде постојано живеат околу 50 илјади жители, е сместен наспроти Неапол. Важи за популарна туристичка дестинација, но засега нема сознанија дека има повредени туристи.
Во моментот на земјотресот, најголемиот број жители на островот биле надвор од своите домови, по кафулињата и рестораните, поради убавото и топло време.
Римскиот весник „Ил Месаџеро“ пишува дека потресот направил голема штета на малечкиот остров и дека над 1.500 негови жители останале без покрив над главите.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација