Управата за водење матични книги во Кочани преместена во поранешни простории на ПИОМ
Подрачната канцеларија на Управата за водење матични книги во Кочани од оваа седмица се наоѓа во нови простории, кај поранешниот Фонд за пензиско и инвалидско осигурување.
Новите простории се обезбедени со шалтерски систем и просторија за администрација, а вработени се неколку матичари и други соработници и советници, кои што ја извршуваат целокупната работа од областа на матичното работење за потребите на граѓаните на територијата на општина Кочани.
- Тука се пријавуваат сите раѓања на територијата на општина Кочани, раѓањата на нашите граѓани кои што живеат во Кочани, а се родени во странство. Исто така тука се пријавуваат младите за склучување на брак, како и браковите склучени во странство со постојано живеалиште во Кочани. Се пријавуваат и смртните случаи кои што се случуваат на територија на општина Кочани, како и оние во странство ако лицата се родени во Кочани, изјави Коста Вучков, самостоен референт - матичар.
Издвојувањето од МВР е согласно прописите кои што ги налага ЕУ, а тоа е градската матична служба да се оддели од Министерството за внатрешни работи.
Новите простории се во сопственост на Република Македонија и се доделени на Управата за водење матични книги, Подрачна канцеларија - Кочани. Вучков посочи дека вадењето лични карти и пасоши останува во надлежност на МВР.
Ново на Сител
-
Коалиција „Вреди“: Наши членови незаконски се задржани во полициска станица во Тетово
-
Лични документи можат да се подигнат и во среда
-
Демири: Владата ги презеде трошоците за лекувањето на Леонид Индов
-
Народниот правобранител со бесплатна телефонска линија за пријавување повреда на избирачко право
-
Демири најави разрешување на медицинскиот директор на Токсикологија
-
Кочанчанец за една ноќ извршил шест кривични дела
-
Почина затвореник во „Идризово“
-
Демири: Приватните специјализанти по изборите ќе добијат поголем надомест