Универзитетот за информатички науки и технологии од Охрид ќе го одбележи Светскиот ден на културната разновидност
Студентите од странство од Универзитетот за информатички науки и технологии „Свети Апостол Павле“ од Охрид со пригодна манифестација утре по четврти пат ќе го одбележат Светскиот ден на културна разновидност.
Во рамки на свеченоста предвидена за напладне на Градскиот плоштад во Охрид студентите ќе ги презентираат културните специфики на државите од кои доаѓаат.
Програмата вклучува претставување на десетина земји од Азија, Африка и Европа, преку претставување на национални носии, специјалитети од нивните национални кујни и изведување на традиционални песни и танци. Присутните ќе имаат можност да ги вкусат националните јадења и да се фотографираат со студентите облечени во нивните традиционални национални носии.
Имајќи предвид дека на Универзитетот „Св. Апостол Павле“ работат и студираат професори и студенти од 40-тина држави, тој претставува уникатна високообразовна установа со истакнат мултикултурен профил.
Ново на Сител
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево