УНИЦЕФ: Децата бегалци од Мјанмар се соочени со пекол
Голем број деца припадници на народот Рохинџи, кои пребегале од Мјанмар, соочени се со тешки услови во камповите за бегалци во Бангладеш.
Во извештајот на Детскиот фонд на Обединетите нации се наведува дека мнозинството деца, кои опфаќаат 58 отсто од бегалците од Мјанмар, во текот на претходните два месеца се недоволно нахранети.
- Поголемиот дел од децата бегалци во Бангладеш присуствуваа на страдањата во Мјанмар, какви што никогаш не би требало да видат, при што доживеаја големи загуби, рече извршниот директор на УНИЦЕФ, Ентони Лејк.
Во извештајот на УНИЦЕФ, објавен пред донаторската конференција што ќе се одржи в понеделник во Женева, се посочува дека на бегалците им е потребна чиста вода, храна, санитарно-здравствени мерки, засолништа и вакцинации поради можна појава на колера.
Се предупредува и на заканата од трговија со луѓе, кои би можеле да ги екслоатираат децата во подрачјата каде што има голема концентрација на бегалци.
Според податоците на ОН, повеќе од 500.000 Рохинџи досега пристигнаа во Бангладеш од мјанмарската провинција Ракхин, од 25 август, од почетокот на воените операции на мјанмарските безбедносни сили.
ОН воената офанзива во Мјанмар ја опишува како етничко чистење, меѓутоа Мјанмар инсистира дека нејзината војска се бори против „терористите кои убиваат цивили и палат села“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово