Унгарскиот Парламент денеска избира претседател на државата
Унгарскиот Парламент се собра денеска на пленарно заседание во Будимпешта со цел да избере шеф на државата.
За оваа функција ќе се избира меѓу двајца кандидати.
Кандидатот на владејачката партија ФИДЕС Јанош Адер и кандидатот на левичарската опозиција - поранешниот омбудсман Ласло Мајтени.
Унгарскиот претседател ќе биде избран со тајно гласање, а победник ќе биде оној кој ќе добие две третини од гласовите. Доколку не се успее во првиот круг, ќе се одржи и втор круг на гласањето и претседател ќе биде оној кој ќе добие просто мнозинство.
Во моментов ФИДЕС и нејзините коалициони партнери, Христијанско-демократската народна партија располагаат со уставно мнозинство - две третини од гласовите во унгарскиот Парламент (133 од 199 гласови).
Поради тоа изборот на нивниот кандидат, изгледа како формалност, посочува ТАСС.
Сегашниот унгарски претседател Јанош Адер, кој е фаворит на овие избори, ја доби функцијата во 2012 година, а неговиот мандат завршува на 10 мај.
Мајтени ужива поддршка од левичарските опозициски сили - Дијалог за Унгарија, Унгарската социјалистичка партија и Демократската коалиција. Десничарската опозиција не претстави нејзин кандидат.
Според анкетата на центарот „Незопонт“, 63 отсто од Унгарците го поддржуваат Адер, а 27 проценти се „против“ неговиот реизбор.
Адер е меѓу најомилените политичари во Унгарија.
Претставниците на владејачката партија неколкупати изјавија дека кампањата на опозицискиот кандидат е финансирана од американскиот милијардер со унгарско потекло Џорџ Сорос, забележа ТАСС.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок