УНДП ќе финансира предлог-проекти за заштита на природата
Програмата за развој на Обединетите нации (УНДП) упати повик за поднесување предлог-проекти за реализација на проектот „Подобрување на управувањето со заштитените подрачја".
Предлог-проекти може да поднесуваат граѓански организации и општини. Националните паркови и другите големи заштитени подрачја ќе бидат вклучени во посебна компоненета.
Проектот следната година ќе финансира до 15 проекти за заштита на природата, што ќе се спроведуваат од страна на општини, граѓански организации или партнерства во период од 18 месеци.
Висината на грантовите е во дијапазон од 50.000 до сто илјади евра.
Предлог проектите треба да се фокусираат на активности кои промовираат заштита на природата и одржливо користење на природните ресурси, истовремено подобрувајќи ги животните услови за локалните заедници во целните области.
Целта на проектот „Подобрување на управувањето со заштитените подрачја" е да ја подобри заштитата на природата и да промовира одржливо користење на природните ресурси, а истовремено да ги зголеми капацитетите на локалните самоуправи и граѓански организации за управување и промовирање на заштитените подрачја на професионален и одржлив начин.
Проектот е финансиран од Европската унија, преку Програмата ИПА-2, Секторска оперативна програма за животна средина и климатска акција 2014-2020. Се спроведува од страна на Програмата за развој на Обединетите нации, во соработка со Министерството за животна средина и просторно планирање.
Откако ќе бидат избрани, предлог-проектите ќе бидат развиени во целосни проекти, преку посебно прилагодена програма за обука.
Повеќе насоки за аплицирање, како и критериумите за евалуација, може да се погледнат на веб страните: www.undp.mk или www. moepp.gov.mk.
Краен рок за поднесување на проектни концепти е 29 декември, до 16 часот.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април