Украински војници убиени при напад на сепаратистите кај Доњецк
Украинските власти соопштија дека петмина војници на Армијата на Украина загинале денеска во престрелка северно од градот Доњецк.
Како што јави Би-Би-Си, ова е најголем дневен биланс на жртви годинава,
Проруските сепаратисти убиле четворица војници од заседа кај месноста Веркнеторецкоје, близу градот Авдивка. Петиот војник загинал откако со возилото наишол на нагазна мина.
Украинскиот армиски портпарол Олександр Мотузјаник го потврди бројот на жртвите. Тој вели и дека претходно денеска имало провокации од сепаратстите кон армиските трупи.
Истиот извор тврди дека биле убиени и двајца сепаратисти.
Претставникот на самопрогласената „Доњецка Народна Република“, Едуард Басурин соопшти дека двајцата сепаратиситчки борци загинале при гранатирање од страна на украинските сили.
Тој исто така, додаде дека вчера сепаратистите одбиле еден напад на украинската војска која се обидувала да продре меѓу градовите Авдивка и Јасинувата.
Ново на Сител
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците