Украдени 100 илјади евра од фабрика за мебел во Тетово
Жител на тетовска Голема Речица на возраст од 48 години вчера пријавил во тетовската полиција дека од канцеларијата на неговата фирма за производство на мебел биле одземени околу 100 илјади евра во разни апоени, информира портпаролот на СВР Тетово Марјан Јосифовски.
Според пријавата на сопственикот, тешката кражба најверојатно била извршена ноќта помеѓу недела (29.01) и понеделник (30.01) од засега непознат сторител или сторители при што на докрај неутврден начин тие ја отвориле вратата од канцеларијата од фабриката што се наоѓа на излезот од Тетово кон Гостивар и металниот сеф што бил внатре од каде ги одзеле парите и незабележани од никого го напуштиле местото.
По добиената пријава полицијата извршила комплетен увид, било разговорано со сопственикот и неколку други лица вработени во фирмата, а разговорите и со други лица ќе продолжат и денеска најави Јосифовски.
Тој посочи дека полицијата интезивно работи на расветлување на случајот и откривање на можните сторители, како и на утврдување на точниот начин како е влезено во канцеларијата и како е отворен сефот.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење