Македонија
25. March 2017 - 9:50

УХМР: Од утре драстична промена на времето

Утре ќе преовладува променливо облачно време со повремени врнежи од дожд, а кон крајот на денот и во текот на ноќта на планините со повремен снег.
 
Ќе дува и умерен, во западните делови повремено засилен западен ветер, а во текот на денот ќе има и услови за ретки грмежи. Температурата ќе има тенденција на понатамошно благо опаѓање и ќе се движи во интервалот од 15 до 22 степена. Кон крајот на денот поради спуштање на значително постудена воздушна маса од североисток, ветерот ќе го промени правецот во северен, а на планините врнежите ќе поминуваат во снег.
 
Во понеделник ќе биде претежно облачно со повремени врнежи од дожд, а на планините и на некои повисоки местасо повремени врнежи од снег. Повеќе врнежи се очекуваат во западните делови и повремено ќе бидат со умерен интензитет.На планините ќе се формира и нова снежна покривка. Темперетурите позначително ќе опаднати ќе бидат во интервалот од 7 до 13 степени.
 
Потоа ќе преовладува стабилно време со ниски утрински температури и во средината на неделата ќе се движат од -2 до 4 степени, а дневните ќе бидат во постепен пораст.