-->
-->
УЕФА: Симната суспензијата на ФК Партизан
-->
Фудбалскиот клуб Партизан ја избегна суспензијата од страна на УЕФА, откако двете страни постигнале договор да биде суспендирана едногодишната забрана за настап во европските купови.
УЕФА најави дека ќе го суспендира Партизан поради долгот од 2,5 милиони евра заклучно со септември 2016 година. Најголемиот дел од долгот (околу 1,9 милиони евра) отпаѓа на придонеси и данок кој клубот треба да го плати кон државата.
Како што објавија српските медиуми договорот во текот на денот од Нион треба да пристигне на клупската адреса, а потоа тој ќе биде проследен до судот за Спортска арбитража во Лозана, каде Партизан ја обжали првичната одлука на УЕФА.
Упатените коментираат дека во вакви случаеви судот го прифаќа договорот на двете страни. Судот потоа договорот го верификува и истиот се става ад акта.
Партизан ќе може да се натпреварува наредната сезона во европските купови, но УЕФА извести дека клубот ќе биде под засилен мониторинг, со напомена дека доколку повоторно има „финансиски дупки“, дека тогаш казната ќе биде ригорозна.
-->
-->
-->
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море