Македонија
18. February 2018 - 22:14

Уапсен македонски државјанин во Грција поради пренесување нелегални мигранти

Грчката полиција во регионот на Дојран, уапси 55-годишен македонски државјанин, бидејќи во приколката од неговиот камион биле пронајдени 11 нелегални мигранти, кои требало нелегално да ги изнесе од Грција.

Според грчката новинска агенција АНА-МПА, од истрагата на полицијата произлегло дека мигрантите во Грција влегле преку нелегален премин на грчко – турската граница.

Каминот бил запленет, а уапсениот македонски државјанин ќе биде изнесен пред јавен обвинител во Кукуш, јави дописникот на МИА од Атина.