Loading Video...
Фудбал
15. March 2018 - 18:52

У-21: Милевски очекува добар меч против Русија

Младата фудбалска репрезентација на Македонија ја очекува важен квалификациски дуел за следното ЕП. Дуел против Русија на 23. Март во Скопје на терените на Тренинг центарот „Петар Милошевски“. 
 
Селекторот Благоја Милевски веќе го соопшти списокот и посакува добра и борбена игра на неговите фудбалери. 
 
„Никогаш сме немале императив да победиме, но важен е односот на терен. Како што најавив сега има промени во однос на претходните собири. Сега имаме четворица дебитанти, Божиновски, Личина, Омар Имери и Милан Ристовски.
 
Повторно во селекцијата се враќа Бенјамин Демир кој игра во одлична форма во Скопје.  Оние што не се повикани, значи дека не го покажале она што треба да го покажат во овој дрес. Имаме квалитетен потенцијал да ја прекинеме низата од три порази. Во изминатите три и пол години не постоело никогаш императив победа во оваа селекција, но условот секогаш бил да се даде на секој натпревар максимум. Така е и сега. Ќе мора да дадеме повеќе од реалните можности, тоа е нашата должност кон нас и Македонија и националниот дрес, истакна Милевски.
 
Првиот собир ќе биде во понеделник од 11 часот во ТЦЦ „Гранд Плаза“, додека првиот тренинг ќе биде попладневен. Квалификацискиот натпревар со Русија во Скопје се игра на 23. март, додека пет дена подоцна се патува во Австрија.