На програмата на Сител од понеделник до петок во 17:00 се смитува серијата Напуштен ангел во 194 епизоди.

Во центарот на приказната е Маричуи, ангел чија судбина е одредена од мајка и Сесилија Веларде кога на самото породување го напушта девојчето мислејќи дека ќе умре и го дава на свештеникот Анселмо. Свештеникот ја праќа Маричуи во сиропиталиште, но на 14 години, ѓаволестата девојка бега од сиропиталиштето и е разочарана од својот живот.

Во тие години кога Маричуи е препуштена на улицата и бедата, доживува големо разочарување од машкиот свет затоа што еден пијан човек ја нападнал. Тоа за неискусната и невина Маричуи претставува голем стрес кој и ја одбележува младоста и кој постепено се претвора во нејзин најголем кошмар и страв затоа што не памти како изгледал напаѓачот.

Сиромашната добродушна старица Канделарија ја наоѓа Маричуи на улица и ја одгледува како свое дете во сиромашниот кварт во Мексико. Еден ден Маричуи завршува во полициска станица затоа што ќе се вплетка во една тепачка во дискотека, а таму ги среќава моќниот судија Патрисио Веларде и младиот психијатар Хуан Мигел кои се справуваат со такви деликвентски случаи.

Богатиот и убав Хуан Мигел решава да и понуди помош, да се грижи за неа, да ја одведе на вистинскиот пат така што ќе ја земе во својата куќа да живее тргнувајќи ја од лошото друштво. Хуан Мигел живее во луксузна куќа со својата слатка сестра Росио, ќерка му Маита, хистеричната сопруга Вивијана и нејзината доминантна мајка Онелија.

Вивијана доживува несреќа и сите мислат дека е мртва, но таа всушност се крие во Америка, па така Хуан Мигел пред општествените кругови останува вдовец. Маричуи ужива во богатата вила и предизвикува симпатии кај Росио и Маита, но не и кај Онелија која ја замразува Маричуи мислејќи дека е уличарка, простачка и натрапничка.

Меѓутоа она што се раѓа меѓу Хуан Мигел и Маричуи е топла, нежна вистинска љубов, од која се плаши Хуан Мигел и затоа решава да ја прати Маричуи да престојува во куќата на семејството Веларде. Сесилија и судијата Патрисио Веларде се вистинските родители на Маричуи, но тоа никој не го знае затоа што тие веруваат дека злобната натрапничка Естефанија е нивна ќерка.

Кога Маричуи доаѓа во нивната куќа, почнува постепено да се открива големата тајна за нејзиното потекло. Хуан Мигел и Маричуи сепак ја признаваат својата љубов, но подоцна во неа ќе се вљуби и Лепардо. Двајцата се борат за нејзината љубов, но за неа, одлуката нема да биде лесна.
 

Улоги: Мајте Перони, Вилијам Леви, Лаура Запата, Шерлин, Абрахам Рамос, Африка Завела, Хелена Рохо, Ана Изабел и Ана Патрисија Рохо.